1 dic 2017

ESTÁ BEN SER DIFERENTES!

O vindeiro domingo 3 de decembro conmemórase o Día Internacional das Persoas con Discapacidade e na escola celebrarémolo cunha actividade moi especial, o visionado das curtas “Está ben ser diferente” e “Está ben ter amigos diferentes”.
O luns, a nosa biblioteca acollerá a estrea dos vídeos elaborados entre vintenove centros educativos de toda Galicia, a partir do conto “Está ben ser diferentes” de Todd Parr.
Agardamos que vos gusten e que disfrutedes deles tanto coma nós disfrutamos facéndoos!




A actividade foi organizada polo Departamento de Orientación, o Equipo de Biblioteca e o Equipo de Dinamización da Lingua Galega da nosa escola, en colaboración coas mestras de pedagoxía terapéutica Mila Castro do CEE María Mariño e Alba Rodríguez do CEIP Marquesa do Pazo da Mercé (As Neves).... e non só consistiu na montaxe dos vídeos, senón tamén na tradución do conto de Todd ao galego e a pictogramas, coa finalidade de achegar a súa mensaxe a todos os nenos e nenas.





Dende o CEIP de Cervo queremos felicitar a todas nenas e nenos que participaron nesta actividade, e darlles as gracias a eles e aos seus mestres e mestras por ensinarlles que... 

ESTÁ BEN SER DIFERENTES!

Centros participantes:

CEIP de Cervo, CEIP Marquesa do Pazo da Mercé, CEE María Mariño, CEIP Pedro Caselles Rollán, CPI Virxe dos Remedios, CEIP Plurilingüe Vista Alegre, CEIP Manuel Mato Vizoso, CEIP do Castro de Ouro, CEP Lois Tobío, EEI San Roque, CEIP Plurilingüe de Covas, CEIP de Currelos, IES da Terra Chá José Trapero Pardo, CPI Dr. López Suárez Escairón, CEIP Cervo Nº1, CEIP de Luíntra, CEIP Condesa de Fenosa, IES Muralla Romana, CEIP Plurilingüe Santa Rita, CEIP Antonio Ínsua Bermúdez, CEIP Antonio Pedrosa Latas, CEIP Plurilingüe de San Miguel, CPI de Cervantes, CEIP San Miguel de Reinante, CEIP de Louro e CEIP Aquilino Iglesia Alvariño, CEIP O Vicedo, CEE Infanta Elena, CEIP As Nogais

No hay comentarios: