DÍA DA LINGUA MATERNA E DÍA DE ROSALÍA DE CASTRO

 

 A piques de finalizar o mes de febreiro tivemos dúas conmemoracións moi importantes para nós. 

 O 21 de febreiro conmemorouse o  DÍA DA LINGUA MATERNA, unha data moi representativa para a nosa Comunidade Educativa que recorda cada día que o "COLEXIO DE CERVO FALA GALEGO", tal e como transmiten as nosas VERBAS MÁXICAS a todo aquel que entra na nosa casa. 

24 de febreiro: DÍA DE ROSALÍA DE CASTRO

 

 Como cada curso non quixemos perder a oportunidade de recordar a unha das mulleres máis importantes da nosa historia e das nosas letras, ROSALÍA DE CASTRO, e para iso organizamos varias actividades colaborativas entre todo o alumnado intentando salvar todos os atrancos que a situación actual nos causa e respectando todas as medidas de seguridade. 

Desta maneira creamos un COLLAGE COLABORATIVO sobre a protagonista e organizamos un concerto de ROCK! Un concerto no que cantamos e bailamos o xa popular e mítico ROCKSALÍA! Ademais fixéronse CALIGRAMAS e traballos plásticos do máis variado!

Foi todo un éxito e estamos desexando repetir!