“ROSALIANDO” COAS NENAS E NENOS DE 5º

As nenas e nenos de 5º quixeron homenaxear a Rosalía de Castro co gallo do 150 aniversario da publicación de “Cantares Gallegos”.

Partindo do seu poema “Nasín” crearon poesías propias inspiradas nos versos rosalianos.

O resultado… un  fermoso poemario “Rosaliando”, que lle foi entregado a Puca para que todos os nenos e nenas do cole poidan gozar coa súa lectura.

Mirade, mirade...

O CARRO

A profe Paquita, tróuxonos un carro que lle fixo o seu pai, como se facían antes, para xogar con eles. As nenas e nenos disfrutaron con este argallo e a biblioteca aproveita que estamos no mes da poesía para lembrar esta de Manuel María que se titula:

O CARRO

                                                                 Teño un carriño cantor,

teño un carro cantareiro

¡Con fungueiros afiados

e con eixo de amieiro!

O meu carro canta ben,

non pode cantar mellor.

¡Meu carriño cantareiro,

meu carrirño cantador!

O meu carro canta, canta;

nunca cansa de cantar.

¡De día cántalle ó sol;

de noite, canta ó luar!

Ouh, meu carriño cantor:

cantas agora e dospois.

¡Con que fachenda te leva
a parelliña de bois...!