22 ene. 2019

XORNADA DE FORMACIÓN DOS EDLG.Sumando espazos, espallando lingua.

O sábado 26 de xaneiro de 2019 terá lugar  a Xornada de formación dos EDLG. Sumando espazos, espallando linguaO CEIP de Cervo participa presentando a actividade ESTÁ BEN SER DIFERENTE relacionada coa atención á diversidade en lingua galega. A continuación podedes ler o programa da xornada e relatorio do noso colexio que presentará Verónica Fernández Vázquez, Orientadora e coordinadora do EDLG. 

PONENCIA DO CEIP DE CERVO

20 ene. 2019

ANTROIDO ENTRE BAMBOLINAS

 Logo chega o ANTROIDO,
 témonos que preparar...
Ide vendo as propostas 
que o equipo de profes nos fai!


17 ene. 2019

O TESOURO DA DIVERSIDADE


O pasado mes de Decembro conmemorouse o Día Internacional das Persoas con Discapacidade, e un curso máis dende  cole de Cervo iniciamos unha actividade colaborativa, este ano relacionada co Teatro.
A actividade consiste na composición dunha obra de teatro "O Tesouro da Diversidade" en colaboración con diversas asociacións coas que nos relacionamos ao longo dos últimos cursos a través de actividades de concienciación propostas para o noso alumnado.



Dende o cole iniciamos a actividade creando os personaxes, ilustrandoos e comezando a historia.



E unha vez todo ben organizadiño selamos o pasaporte e enviamos a caixa do "Teatro Viaxeiro" ao seu primeiro destino, a Asociación AFAN BURELA (Asociación de Familiares de Enfermos de Alzheimer e outras Enfermidades Neurodexenerativas de Burela).



Mirade! Aquí están as usuarias acollendo con moito agarimo a nosa caixiña... de seguro que nos deixarán abraiados co seu traballo!




Estade moi atentos ao blog e ao twitter do cole porque iremos informando de como evoluciona a viaxe do noso tesouro da diversidade

15 ene. 2019

ACTIVIDADES PARA O DÍA DA PAZ



Como nos dicía Puca na carta deste mes, XANEIRO no cole é o MES DA PAZ e BIBLIOCERVO ten programadas unha serie de actividades para conmemorar esta data. Por unha banda, vaise editar un boletín informativo para enviar á comunidade educativa, con recomendacións lectoras para fomentar valores tales como a PAZ e a NON VIOLENCIA.



Puca tamén nos propón traballar co libro titulado " EL LIBRO DE LA PAZ, do autor TODD PARR, para traducir á nosa lingua e afondar no seu contido e os valores que transmite. A partir deste libro realizaremos un "BINGO da PAZ" baseado nunha actividade proposta por UNICEF, nos recreos solidarios que imos ter  entre o 21 e o 28 deste mes. Para iso haberá que cumprimentar unha tarxetas, contestando a unhas preguntas para o que deberemos investigar as súas respostas entre todos os nenos e nenas do cole. As preguntas son tan sinxelas como : " Coñecemos a alguén que non lle gusten as patacas fritas? e a alguén que ten familia noutro país? Para aprender a respectar as diferencias, debemos coñecernos ben. Iso é o importante!




Lembramos que o lema das bibliotecas este curso é POÉTICAS DIVERSAS, pois en relación con el imos recompilar os poemas realizados sobre os valores e sobre a paz. Con todos eles faremos un libro moi especial que presentaremos na biblioteca o día 30 de xaneiro, Día da Paz.



Para rematar, animámosvos  a vir caracterizados ese día, segundo a filosofía hippie que defendía a
" Non a Violencia e a Guerra e si a Paz" 


10 ene. 2019

DÍA DO USUARIO DAS BIBLIOTECAS






PREMIO NO V CONCURSO DO TRABALLO POR PROXECTOS COORDINADO POLA BIBLIOTECA!




Rematamos o trimestre cunha moi boa nova. Na Resolución do V Concurso do Traballo por Proxectos baixo a coordinación (ou coa participación) da biblioteca escolar, en centros públicos saímos premiados!
O noso proxecto titulábase CERVO ALÉN DE EUROPA e optou ao premio de " Proxectos documentais integrados, coordinados pola biblioteca escolar". Foi realizado en coordinación co Proxecto Erasmus +, o Equipo de Dinamización da Lingua Galega e nel participou todo o centro. Podedes acceder a el no blog, premendo na súa imaxen que atoparedes ao lado dereito.
Estamos moi contentos por haber recibido este premio!



ADOPTAR UN LIBRO POLO NADAL

Esta foi outra das actividades que fixemos no Nadal, que é unha época moi apropiada para levar a cabo actividades altruístas e xenerosas. Puca invitou ás familias a través dunha carta, a que participasen nesta actividade, pero lédea que ela explícao moi ben!