4 jul. 2018

ESTANCIA EN MARCO DE CANAVESES-PORTUGAL. ERASMUS+



Dúas mestras do CEIP de Cervo estiveron a semana pasada en Marco de Canaveses, Portugal, asistindo á segunda reunión transnacional do proxecto Erasmus+ ‘Creating, Communicating, Our Diversity we are Celebrating’.
Durante esta reunión profundizouse na ferramenta eTwinning ao ser a Coordinadora do proxecto, Magdalena Goc, unha experta na materia e  embaixadora da mesma. 


Ademais de tomar diversas decisións e establecer liñas novas de traballo e actuación para o seguinte curso académico, unha grande parte das reunións empregáronse para chegar a acordos  con respecto á avaliación deste primeiro curso e como se fará a avaliación final. Os cambios, que se introducirán durante o vindeiro curso, marcarán un cambio notable tanto na calidade do noso proxecto como na visibilidade e deseño do noso Twinspace.
Tivemos tempo tamén, para unha formación máis avanzada da ferramenta Mobility Tool así coma Stop Motion. 


A estancia en Marco de Canaveses resultou moi intensiva e, ao mesmo tempo, inesquecible e emocionante pois, a pesares de que o alumnado se atopa xa de vacacións, tiveron tempo de prepararnos unha marabillosa e calorosa benvida. 


26 jun. 2018

“GALICIA EN LENDAS” UN LIBRO COLECTIVO!



Como sabedes, no primeiro trimestre, realizamos un proxecto sobre lendas galegas. Para investigar sobre as mesmas empregamos os recursos que ofrece a páxina web GALICIA ENCANTADA e como resultado final, o noso calendario 2108!
Pero este proxecto tivo continuidade durante o terceiro trimestre a través dunha actividade colaborativa na que participaron ademais, tres  escolas de Pontevedra, Ourense e A Coruña!
Como vedes, somos un cole de cada provincia galega, e por que? Pois porque queríamos realizar un libro no que se recolleran 4 lendas representativas de cada provincia galega! E este foi o resultado! Un libro fermosísimo: GALICIA EN LENDAS do que se fixeron 4 copias (unha para cada participante)
O noso quedará na biblioteca para que poidan consultalo todos os nenos e nenas, e os outros tres viaxaron aos centros colaboradores: CEE María Mariño (A Coruña), CEIP Mariña Mansa (Ourense) e Marquesa do Pazo da Mercé (As Neves, Pontevedra)
Moitas moitas gracias por colaborar con nós nesta actividade de fomento da lectura en lingua galega, e en especial aos nenos, nenas e mestras que se encargaron de facer o traballo de recompilación!.

PEZAS ÚNICAS 2018! PRIMEIRAS RESPOSTAS

Como sabedes, as pezas únicas deste curso espallaron a nosa lingua ata Madrid e Londres... e a pesar do pouco tempo transcurrido  dende que iniciaron a súa viaxe xa comezaron a chegar as primeiras respostas. Mirade,mirade!


22 jun. 2018

20 jun. 2018

IV FESTIVAL MUSICAL DO PEDROUZO.

Hoxe celebramos o festival fin de curso, que xa é o IV que facemos como musical. Mentres non subimos as imaxes e os vídeos del, compartimos o programa de actuacións. Todo un éxito!!

19 jun. 2018

XA TEMOS TWITTER OFICIAL DO COLE DE CERVO



Dende o pasado mes de marzo podedes seguirnos tamén no Twitter oficial do Colexio de Cervo:

@CEIP_de_CERVO

Nel imos realizando chíos relacionados coas actividades da biblioteca, dinamización da lingua galega, proxecto Erasmus +, saídas, novas de interese... Xa levamos uns cantos e como non queremos que volos perdades animámos a facervos seguidores e seguidoras! Agardámosvos nas redes sociais!
 

16 jun. 2018

RECOMENDACIÓN LECTORA PARA O VERÁN: MEMORIAS DUN NENO LABREGO



Xa chega o verán, e como todos os anos queremos recomendar ler en familia!
Este curso, a nosa recomendación lectora ten un formato moi especial, trátase dun vídeo onde coa axuda de tres escritoras e un contador de historias, vos animamos a ler un dos clásicos da literatura en lingua galega: Memorias dun neno labrego, do escritor Xosé Neira Vilas.
Queremos darlles as gracias ás escritoras Sabela González, Sabela Nuñez Singala e Irene Rega Jul e ao ex-alumno do noso cole e contador de historias, Felipe Díaz Valle “Caxoto” por colaborar con nós nesta actividade en prol da literatura galega.
Agardamos que gocedes desta lectura no verán.