1 jul. 2020


A PESAR DOS ATRANCOS DESTE CURSO 19/20, REMATAMOS E XA ESTAMOS PENSANDO EN NOVAS AVENTURAS! 

Ola a todas e todos! 

Sabemos que foi un ano moi complexo para cada un de vós, pero queremos darvos a NORABOA porque vos portastes como verdadeiros CAMPIÓNS e CAMPIONAS, adaptástesvos e fixéstesnos aprender día a día da vosa AFOUTEZA e do voso CORAZÓN. 
Cualidades que vos axudaron a sobrepoñervos ante as adversidades e a seguir sorrindo e participando con nós en todo o que vos propuxemos. Todo o profesorado e por suposto eu, PUCA, estamos moi orgullosos de cada un de vós e dámosvos as GRAZAS. 
Gozade do verán, porque ben que o merecedes! 
Iso si, como xa nos coñecedes, non podemos despedir este curso sen darvos a coñecer as nosas PROPOSTAS LITERARIAS  para este VERÁN do 2020. Lede con atención as suxerencias e logo achegádevos a curiosear polas LIBRARÍAS da vila. Veredes que as lecturas pagan a pena! 








E xa para despedirnos temos unha SORPRESIÑA! A continuación tedes recollido nun audiovisual o resumo do que foi este curso 2019/2020 para todos nós. Atoparedes unha compilación de fotografías que fixemos con moito agarimo. Esperamos que vos guste! 


Queremos desexarvos un FELIZ VERÁN para todas e todos! E darvos unha aperta moi especial aos que xa rematastes a vosa etapa no COLEXIO DE CERVO. Desexámosvos moita sorte no INSTITUTO e sabemos que vos queda por diante un FUTURO PROMETEDOR, pero sabede que NUNCA VOS OLVIDAREMOS. En BIBLIOCERVO sempre teredes A VOSA CASA, así que agardamos visitas! Apertas!





 

14 jun. 2020

VÍDEOS 1ª FEIRA ECOCIENTÍFICA DO PEDROUZO DENDE A CASA

Aquí están os vídeos recibidos ata agora, cos experimentos realizados polo alumnado para celebrar esta 1ª feira, que tivo que ser na casa polas circunstancias que vivimos. 
As nenas e nenos convertéronse en excelentes científicos e levaron a cabo experimentos moi curiosos. 
Parabéns a todos eles e grazas por participar!

11 jun. 2020

CARREIRA SOLIDARIA VIRTUAL " CORRE POR NÓS"

Como todos os anos,imos celebrar a CARREIRA SOLIDARIA e desta vez vai ser VIRTUAL, xa que agora, máis que nunca, temos a oportunidade de axudar a aqueles que máis o precisan.
As nenas e nenos de 6º curso anímanos a partricipar neste vídeo:




 Podedes inscribirvos AQUI 
e tedes toda a información nesta    PÁXINA

10 jun. 2020

RECOMENDACIÓNS LECTORAS: OS PETOS DE LORETO.

Loreto ten unha chea de petos. Que gardará no seu interior?
Un relato rimado sobre un divertido personaxe que atesoura nos petos da súa bata os obxectos máis inimaxinables. Sempre rodeada de nenos e nenas, de distintas idades e razas, Loreto ten recursos para todo: ocorrente, disparatada e extravagante. Calquera cousa pode resultar útil nas súas mans, por iso, como por arte de maxia, de todos os do seu abrigo saen xeados, bucinas ou sombreiros.
Un libro para estimular a imaxinación.


9 jun. 2020

DÍA DA ARTE GALEGA NA ESCOLA


Estes son os traballos recibidos  polo DÍA DA ARTE GALEGA NA CASA: pezas de arte , música, instrumentos, todo tipo de arte galega!...Agardamos que vos gusten!




















DÍA MUNDIAL DO MEDIO AMBIENTE

O día 5 de xuño é o DÍA MUNDIAL DO MEDIO AMBIENTE, con ese motivo elaborouse este libro dixital cos cadernos de campo do alumnado de 5º de primaria. Fixeron unhas plantacións con moita ilusión!!

1 jun. 2020

1ª FEIRA ECOCIENTÍFICA do PEDROUZO..na CASA


Lembrades que a inicio de curso as axudantas de Puca nos repartiron un PASAPORTE ECO-CIENTÍFICO ? A idea era que nel rexistráramos todos os experimentos que fósemos realizando na clase e logo, na 1ª FEIRA ECO- CIENTÍFICA do PEDROUZO, que celebrariamos o 5 de xuño, facer unha posta en común deles. Pero...estas circunstancias especiais  fan que a feria a teñamos que facer doutra maneira, dende a casa! Para iso, como nos conta Puca na última carta, temos que realizar un experimento, cubrir a plantilla de experimentación que atoparedes máis abaixo nesta mesma entrada, e logo descargar o diploma e carné de científico ou científica, que hai os dous modelos. 
Así que...a experimentar e contádenos como foi vos foi!!