AMULETOS PARA O SAMAÍN

Para escorrentar e barrer os medos no Samaín, fixemos os amuletos que podedes ver nas fotos. Esta foi unha actividade na que colaborou O MUSEO HISTÓRICO DE SARGADELOS a través duns obradoiros moi orixinais que pretenden acercar a cultura e o arte do entorno á escola.

Ademais destes obradoiros, celebramos o Samaín disfrazándonos de pantasmas, lendo contos e relatos de medo, decorando cabazas, elaborando merendas medoñentas a base de arañas de regaliz, intentando coller mazás na auga cun lapiz ben afiado, cantando e bailando...

En fin, esta festa que empezamos a recuperar para as nosas celebracións non fai moitos cursos, está a convertirse en todo un éxito entre o alumnado

ME GUSTA LEER

Recibimos este vídeo de Tomás López, o pai de Amanda e de Simón. Como nos gustou moito e nos parece de interese, non dubidamos en mostrárvolo.
Agradecémoslle a Tomás a súa colaboración e ademais sabemos que é un asiduo seguidor do blog.

CHEGA O SAMAÍN

Como di no cartel ¡ CHEGA O SAMAÍN! Si, o colexio e a biblioteca prepáranse para celebrar o Samaín. Para que vaiades facendo boca, pasade pola biblioteca e veredes o recuncho que PUCA nos preparou con moitos libros e contos de medo.

Tamén nos deixou este vídeo coa canción de MAMACABRA para que a vaiamos aprendendo ao longo da semana e o venres...Bueno, non vos conto máis, ¡ XA VEREDES!

PUCA

Era noite de trebón
nun vello e mouro castelo,
a auga caía a chuzos
e os lóstregos a miles.

Oes dentro un barullo
de alaridos e lamentos,
era noite de trebón
nun vello e mouro castelo.

Bule, bule, bule, bule,
bailan, bailan os espectros,
sapos, monstros e morcegos.

Bailan, bailan as pantasmas,
monstros, bruxas e curuxas.
Bule, bule que aínda é cedo
e hoxe toca pasar medo.

Bule, bule, bule, bule,
bailan os espectros,
bailan, bailan esqueletes,
sapos, mostros e morcegos.

Bailan, bailan as pantasmas,
monstros, bruxas e curuxas.
Bule, bule que aínda é cedo
e hoxe toca pasar medo

E para que non paredes de cantar, outra de MAMACABRA!

EL SECUESTRO DE LA BIBLIOTECARIA

Neste mes de outubro que xa está rematando, a biblioteca abríu as súas portas ao alumnado con diversas actividades. Unha delas foi a presentación e lectura do libro EL SECUESTRO DE LA BIBLIOTECARIA que fixeron os titores e María, a encargada da biblioteca.

Foi unha lectura que lles gustou moito ás nenas e nenos de 2 º e 3º ciclo, que quixeron agradecerlle á mascota PUCA a súa invitación para ir escoitar o relato na biblioteca e estes son algúns dos debuxos que lle fixeron.

AMANCIO AMIGO E O MEIGO DE SALAMANCA

Dentro da campaña de animación lingüística Voces á Orella e co patrocinio da Ed. Xerais, o mércores 28 de outubro asistiremos a un espéctáculo de maxia a cargo de CALI O MAGO baseado no libro AMANCIO AMIGO E O MEIGO DE SALAMANCA de XOSÉ MIRANDA.

O acto terá lugar na Casa da Cultura de San Cibrao e asistiremos os cursos de 3º, 4º, 5º e 6º. Posteriormente nas aulas, utilizaremos o libro que a editorial nos deu para cada nen@ na Hora de Ler.

No folleto de presentación do espectáculo di o seguinte:

" Despois da lectura marabillosa de Amancio Amigo e O Meigo de Salamanca, O MAgo Cali preséntanos un espectáculo cheo de maxia e ilusión. Un percorrido polos efectos máxicos máis coloridos e fantásticos. Na procura dese espazo de inocencia que transmiten os libros e a súa lectura, a maxia que xorde como por arte de encantamento fai o espectáculo divertido e comunicativo. Na busca sempre da atmósfera máxica con toda a súa emoción. "

Agradecemos a Ed. Xerais a invitación que nos fai, o agasallo dos libros para as aulas e xa vos contaremos como foi o espectáculo.

RETO

Este foi un fin de semana chuvioso en Santiago. O tempo prestouse para que uns 1200 docentes asistísemos ás Xornadas de Bibliotecas Escolares de Galicia, para que estivésemos no Palacio de Congresos escoitando as ponencias destas xornadas, que este ano tiñan por lema " Novas lecturas, novos lectores". Non vou contarvos nada sobre elas, porque vos vou remitir ao blog O Segrel do Penedo que xa fixo unha crónica completísima. A min en xeral, gustáronme as ponencias , unhas máis que outras, pero de todas quédome coa de Guadalupe Jover, profesora de secundaria en Madrid, e quero compartir con vós, lectores deste blog, unha foto que nos mostrou, titulada " Reto" que foi a mellor fotografía árabe do ano 2007.

O seu autor é o fotógrafo Wasim Kheir Beik, quen captou a imaxe despois de moitos intentos, pois parecer ser que a nena da imaxe non lle facilitaba o traballo. A mensaxe que quere transmitirnos é a seguinte:
"Quiero que sirva
como prueba de que, con voluntad y trabajo, un ser humano puede derrotar a la pobreza y la
enajenación.
Non a puxen ao lado do cartel das xornadas intencionadamente, pero ao subir as imaxes a este post colocáronse así e non puiden evitar facer comparaciónse e atopar semellanzas nas protagonistas: a mesma postura, o mesmo xesto, a mesma actividade...As diferenzas tamén son evidentes: o reto non é para tod@s o mesmo.

Visto en "Rebelión"
La mejor fotografía árabe de 2007
"Educación y trabajo" / "Reto"

SOLIDARIDAD CON LA ESCUELA ANSE-A-PITRE

Con esta entrada únome a unha cadea solidaria que nos chega desde BIBLIOTICS. Trátase de axudar a unha escola de Haití e a iniciativa ven do blog Crea e aprende con Laura, alí explícannos HISTORIA DESTA ESCOLA E DESTE SELO.

NORMAS DO SELO:
1- Pasa este selo a 5 blogs e se queres, resume a información que vai aquí, engade outra ou enlaza este post.
2-Pasa esta información a todos os lugares ou organizacións que creas que poden colaborar co proxecto da escola.
3-Están invitados a colaborar todos aqueles blogs ou personas aos que chegue esta información
indirectamente ou a vexan colgada.
4-Aporta o teu pequeno graniño de area, que vai dende colgar e pasar este selo ao que ti queiras. Si queres e podes aportar algunha axuda económica podes facelo nesta conta:
CAIXA 2100 4252 68 2200097687Asunto: escuela
Eu mando este selo a DUENDES JUGUETONES. A BIBLIOTECA DE LIBRUXA, O RECANTO DE MIK, BIBLIOCOVAS, NATURCERVO

O ZUME DE UVAS

O alumnado de infantil e 1 ciclo fixo unha interesante actividade con uvas. Logo, o curso de 5 anos contoulle á súa profe todo o proceso que fixeron e nós aquí volo mostramos, con fotos incluidas.

O ZUME DE UVAS
Que necesitamos:
Uvas blancas e negras da parra de Paquita.
Auga
cubos
potas
bandexas
pratos
vasos
Como fixemos:
1º LAVAMOS AS UVAS para que non teñan mosquitos, avispas... os bichos van por que están doces.
2º COMEMOS algunhas para ver como sabían. Non nos puxemos de acordo... algúns prefiren as blancas e outros as negras pero estaban moi boas.
3º Separamos as uvas dos ramiños e puxemos as blancas nun lado e as negras noutro.
4º Amasamos, apretamos coas mans( antes lavámolas moito)... saía zume, das uvas negras zume morado e das uvas blancas zume verde.
5º Coámolo. O coador tiña uns furados e por alí saía o zume. A pel e as pepitas non.
6º Bebimos un pouco de zume... sabía a uva.
7ºNun cacharro puxemos a pel, noutro a pulpa, as pepitas e os racimos. Cantas cousas sacamos dun racimo de uvas!!!
8º Puxémolo todo nunha pota, o zume a pel e as pepitas. A pota deixámola un pouco aberta para que respirara e lle entrara aire . Vai fermentar.

ITINERARIOS LECTORES

Do Plan Lector de centro sacamos estes itinerarios lectores que elaboraron os equipos de ciclo para o curso actual.
Tamén o subimos á parte dereita do blog para que se poida consultar máis facilmente sempre que se queira.

AXUDANTES DA BIBLIOTECA

Presentamos ao grupo de axudantes de biblioteca. Son as alumnas e alumnos de 5º que xa o curso pasado se iniciaran neste traballo. Como o fixeron ben e lles gusta , este curso volven a ser axudantes.Na foto saen coa súa tarxeta identificativa que mostran á cámara. Ao fondo, María a profe encargada da biblioteca.

A todos eles desexámoslles un traballo fructífero e agradable.