CONTACONTOS DA EDITORIAL KALANDRAKA

O alumnado de Ed. Infantil, 1º e 2º de Ed. Primaria asistiron a unha sesión de conta contos, na biblioteca, a cargo da Ed. Kalandraka. Dende que  recibiron a  carta de sara e Alex, agardaban  moi ilusionados, que chegase o momento de poder estar con eles.
Polas imaxes que temos, podemos asegurar que estiveron moi atentos e divertidos!

A DESPENSA DAS LECTURAS: UNHA EIRUGA MOI LARPEIRA

Á luz da lúa un ovo diminuto repousaba sobre unha folla. 

Un domingo pola mañá, 

cando o sol comezaba a quentar, PLOP! do ovo saíu unha eiruga pequerrecha e moi 

larpeira.

Así comeza este fermoso conto, onde a protagonista é unha pequena eiruga que come e come sen parar. Os nenos e nenas de infantil desfrutaron moito da súa historia que chegou a eles grazas a dúas contacontos moi especiais, as mestras Paquita e Mar!