Que ben o estamos pasando esta semana! Celebramos por todo o alto o antroido seguindo as consignas do meco e elaborando os disfraces nos obradoiros colaborativos.
Este curso a temática xira a prol dun entroido ecolóxico, fundamentado na protección do medio ambiente e no respecto á vida submarina, evitaremos usar plásticos para ter un mar libre deste material. Deste xeito, cada obradorio elixiu o seu modelo que foron elaborando para lucir o venres 21 no desfile que faremos para mostrar os creativos disfraces, tanto do alumnado como do profesorado.
Ademais dos obradorios, o mércores "corremos a auga", lembrando unha antiga tradición que tiña lugar en Burela, na Rúa do Can e que descubríramos fai uns cursos a través dun proxecto de investigación sobre o antroido da MariñaLucense.
A piques de rematar a semana, o xoves foi o día dos disfraces libres, é dicir, cada un veu disfrazado como lle deu a gana! E claro, a variedade foi absoluta, houbo de todo...Non tedes máis que mirar estas imaxes!
