9 oct. 2008

O OUTONO ESTÁ CHEGANDO Ó COLEXIO...



Empézase a notar nas árbores que o rodean, que se van tinxindo de amarelo, de marrón, de cores cálidas típicas desta época do ano.

Con el tamén chegan as labouras e actividades propias: o magosto, a esfolla do maíz, os cogumelos, o Samaín, etc. etc. De todas as actividades que realicemos no cole iredes tendo novas...

Hoxe mostramos unhas fotos das árbores do xardín e un poema de Manuel María sobor do outono. Agardamos que vos gusten.

OUTONO

Galicia é un Outono puro e bon,

un río que decorre mansamente,

lume abrasador, fértil semente,

futuro presentido e en sazón.

E foi labrando o tempo-luz-paixón,

o seu ser escuro e trascendente

luíndo o corazón de toda a xente

e conformando a terra e o terrón.

Galicia é unha agarda moi madura

que non permite prazos, dilacións,

estancamente, freo ou coutadura.

¡Abonda xa de laios e cancións!

¡Non queremos ser ríos de tristura

correndo pola vida a tropezóns!

O idioma somos nós, pobo común,

vencello que nos xungue e ten en pé,

herdanza secular de cada un,

fogar no que arde acesa a nosa fe.

Manuel María

No hay comentarios: