13 sept. 2010

MANO VIVA, Por GIROVAGO e RONDELLA FAMILY THEATRE

Aínda estamos aterrando neste novo curso, pero xa temos propostas de actividades moi suxerentes. A primeira na que imos participar vai ser o venres 17 de setembro, ás 12:30 h.  no Museo Histórico de Sargadelos,  en Espazos Sonoros, que nesta nova edición segue a  sintetizar a valoración do patrimonio histórico e a promoción da música.
Os artistas son GIROVAGO e RONDELLA FAMILY THEATRE, unha familia italiana que vai representar  espectáculo Mano Viva: o boneco de cinco dedos que camiña.
Como nos di o folleto : " É unha obra tan axil coma o boneco/man protagonista. As pernas resultan o compoñente secreto do artefacto, dotadas de xeonllo e pé que lle permiten articularse con moitísima plasticidade. O resultado é unha fascinante aventura baseada en acrobacias e situacións divertidas."

Deixóvos o enlace á súa páxina e este vídeo para que poidades apreciar a súa orixinalidade.
                                      GIROVAGO e RONDELLA FAMILY

No hay comentarios: