12 nov. 2010

A MAXIA DA ROBÓTICA




   O mércores 10 de novembro o alumnado de 5º e 6º do colexio participamos nun obradoiro/concurso de robótica,ao que xa asistimos o ano pasado en  Santiago.
  Primeiro fixéronnos unha presentación onde nos mostraron as partes do robot:a memoria,os sensores,(de luz,son,ultrasóns e contacto).Tamén nos mostraron o programa de ordenador, que mediante unha linguaxe específica se lle daban ordes ó robot.
   A continuación fixemos grupos de tres e catro compoñentes, cada grupo dispoñía dun ordenador e dun robot.  A proba consistía en superar once probas graduadas de menor a maior dificultade: que parara nunha liña negra, que comezase a andar cunha palmada... pero logo sempre engadían cousas novas e descoñecídas que nos facían pensar moito para solucionalo.
    Ao final, pese aos problemas propios da tecnoloxía, pasámolo xenial.
    Esperamos que algún dos grupos que participamos levemos algún premio para o colexio.

No hay comentarios: