MAGOSTO E DÍA DO PEÓN

Novembro é o mes no cal celebramos o MAGOSTO e o DÍA DO PEÓN. Esta celebración tivo lugar o venres día 10, vísperas do San Martiño, que como xa di o refrán: 

" Polo San Martiño, peóns ao camiño"

Nós celebrámolo con xogos populares, onde participou todo o alumnado do colexio, en grupos mixtos, dende Ed. Infantil ata Ed. Primaria.O pavillón estaba delimitado por recunchos, cada un co seu xogo, por onde ían pasando os diferentes grupos. Tiñamos a margarida, as chapas, o tiro da corda, carreiras de sacos, os peóns..

Despois de xogar, comemos as castañas asadas que, como cada ano, prepara o noso conserxe, Pepe, coa axuda das nais e pais da ANPA. 

Durante toda a semana tivemos unha exposición de peóns decorados polas nenas e nenos e nos recreos xogaron moito con eles, a facelos bailar, collelos na man, etc. 

Esta é unha das celebracións que máis gusta, porque se pasa

moi ben xogando e comendo!