SEMANA DE ANTROIDO, ATENTOS ÁS CONSIGNAS!

Da semana da Paz pasamos a do  Antroido. Puca vai aproveitar o fin de semana para equiparse e de seguro que nos dará unha sorpresa! De momento deixounos este cartaz para que nos lembremos das consignas e actividades que imos ter: 

• O luns traeremos algo no pescozo e o martes, na cabeza.
• O mércores é o día de correr a auga, vente preparado para mollarte!
• O xoves podedes vir disfrazados de antroidos, con roupa vella, como che de a gana que para eso é o antroido!
• O venres faremos o desfile por Cervo adiante ata a praza do Souto cos disfraces que estamos facendo nos obradoiros. Este curso traballamos nun proxecto sobre  a escultura  e iremos de "algo" relacionado con ese tema, pero non o desvelamos para que sexa unha sorpresa! Só dicimos que temos moito traballo aínda por facer,así que nos agarda unha semana moi axetreada. 

Ah! e o venres degustaremos os postres do antroido que faigades na casa coas familias: orellas, fereixós, buñuelos, roscas, ...Viránnos moi ben para recuperar forzas! 

Invitamos ás familias  a pasar con nós a tarde do venres e participar nas actividades do Antroido!