27 mar. 2014

NATA E CHOCOLATE NO CLUB DE LECTURA

         
Este curso parece que todo ten que ver coa alimentación, ata o título do libro que leron no club de lectura: NATA Y CHOCOLATE, da autora ALICIA BORRÁS. Pero baixo este título agóchase unha problemática de acoso escolar sobre o que comentaron e reflexionaron  as nenas e nenos de 5º e 6º. E estas son as opinións deles e de Nardo, o  profe que coordinou o club:



"O último mes estivemos no club de lectura do noso cole lendo un libro moi fermoso “NATA E CHOCOLATE”, a min como mestre gustoume moito porque trata da resolución dun conflito de acoso nun cole, que a través dun tratamento moi adecuado por parte da nova mestra de lingua se resolve moi positivamente, por isto e porque está cheo de actuacións moi positivas: estímulos positivos para mellorar a autoestima, aprender a estar contento co que se ten, o enfrontamento dos problemas e non mirar para outro lado, o tratamento da discapacidade a través de facer bo o que se ten, a importancia da axuda dos demais para a nosa realización, o aprender a poñerse na situación dos demais para entendelos, a valentía para defender aos compañeiros cando ven inxustizas e a diferenza entre ser unha mala persoa e unha mala compañeira. En definitiva que o profesorado ten neste libro unha chea de aprendizaxes para mellorar a nosa pedagoxía de resolución de conflitos.
Amanda de 5º dinos: “Gustoume moitísimo porque fala do acoso que a verdade é que son moi comúns e case nunca lle damos importancia. Aprendín que nos momentos difíciles sempre necesitas o apoio de alguén para seguir adiante. E que por culpa de nenos e nenas coma Lola non poden disfrutar do cole e da educación como se merecen, e que hai que agradecer á xente que sempre está aí para botarche unha man”.
Laura García de 5: “Gustoume moito porque axuda a comprender que todos temos algúns problemas e é moi interesante. Se ves unha inxustiza hai que axudar a corrixila e non quedarse de brazos cruzados vendo como hai persoas que están sufrindo seriamente. Hai que expresar todo o que se sinte e enfrontarse ao que non che pareza xusto”.
Erika Villarquide de 5º: “Gustoume como Sonia mostrou á súa valentía ao final con Lola. Tu tamén tes que ter valentía e non ter medo do resto porque non se aguanta que se metan contigo e non poidas facer nada”.
Lucía Peña de 5º: “Gustoume moitísimo porque aínda que Lola se ría de Sonia ao final todas volven a ser amigas. Aínda que unha persoa teña unha enfermidade non hai porque burlarse dela. Non hai que facer tódalas cousas que che mandan cando estas non son adecuadas”.
Yaiza Ramada de 5º: “Gustoume moitísimo polas redaccións tan fermosas que fai Sonia e polas súas amizades. Non debemos burlarnos da xente polas súa forma de ser ou polo seu físico”.
Maite de 5º di: “Gustoume moitísimo é moi interesante e imaxinativo. Sonia é moi tímida, Inés é moi atrevida ao cambiar a situación, Lola é un pouco mandona e todos a seguen pero o libro está moi ben, Xan é moi bo e gustoume o seu personaxe”.
Sabela de 6º di: “gustoume moito porque é interesante e bonito, aprendín que non hai que abusar da xente e non ser tan mal@.”


No hay comentarios: