1 feb. 2017

XANEIRO, MES DA PAZ

Imos resumirvos o que foi o traballo durante o mes de xaneiro na biblioteca. Por unha banda estivemos traballando sobre o BULLYING ou ACOSO ESCOLAR , a través dun "Puca quere saber..." que se repartiu nas clases para levar á casa e ler en familia.

Tamén se está a traballar unha unidade didáctica da ONG SAVE THE CHILDREN coa que colaboramos participando na   XIII EDICIÓN CARREIRA KILÓMETROS DE SOLIDARIEDADE
que celebraremos cando o tempo atmosférico nolo permita.
A ANPA do colexio propuxo participar no proxecto SALVAVIDAS da Consellería de Sanidade que consiste en conseguir un desfibrilador para o Colexio para ser un Espazo cardioprotexido, vendendo pulseiras. Con seguridade, esta iniciativa será presentada á Comunidade Educativa o día da carreira solidaria.
Ademais, fíxose nas aulas unha actividade colaborativa de ALFIN, sobre os avances tecnolóxicos e a robótica como apoio ao alumnado con NEE ou persoas con discapacidades en contextos inclusivos. Deste xeito elaboráronse presentacións que recollen estes avances da robótica.
Temos que agradecer a colaboración que tivemos de familiares e asociacións que amablemente nos informaron e sensibilizaron con este tema, en concreto,a asociación AFAN de Burela  de familiares de enfermos de alzhéimer e outras enfermidades neurodexenerativas.









E xa para rematar, na biblioteca temos un expositor con biografía especifica para o alumnado que queiran saber máis dalgunha NEAE .
Como podedes comprobar, un mes moi completo!!


No hay comentarios: