13 dic. 2017

PLANTANDO ÁRBORES AUTÓCTONOS


Días pasados,  as nenas e nenos de 3º, 4º, 5º e 6º de primaria participaron nunha actividade medio ambiental proposta polo Concello de Cervo e a Fundación ALCOA. A xornada consistiu na plantación de 200 árbores autóctonas nas inmediacións da Piscina de Lieiro.
Coa axuda dos voluntarios de ECOHERENCIA, unha sociedade cooperativa formada por profesionais especializados en restauración ecolóxica e educación ambiental, o alumnado plantou acivros, castiñeiros e ameneiros.
E unha vez máis, traballouse na concienciación da importancia do coidado da natureza e respecto polo bosque autóctono galego.
Para seguir traballando neste senso, Puca quere recomendarvos estes catro libros que podedes atopar na biblioteca:
  • GUÍA DAS ÁRBORES DE GALICIA de Henrique Nino Ricoi e Calros Silvar. Editorial Bahía.
  • AS ÁRBORES. ENCICLOPEDIA TEMÁTICA ILUSTRADA. Editorial A Nosa Terra
  • MONTES E FONTES. GUÍA DAS ÁRBORES DE GALICIA de Marisa Castro, Luis Freire e Antonio Prunell . Editorial Xerais.
  • A ÁRBORE. Biblioteca Visual altea.



No hay comentarios: