12 nov. 2011

OS DE INFANTIL CELEBRAN O SAMAÍN

Aproveitando o Samaín, intentamos traballar o sentimento de MEDO con diferentes actividades nas que participou todo o alumnado de EI. Estas foron as seguintes:


 Falamos en grupos de idade cales eran os nosos medos

 Investigamos nas familias a que lle tiñan medo as mamás, papás, avós…

 Preparamos unha aula na que descubriron elementos que normalmente se asocian cos medos: esqueletes, carautas monstruosas, pelucas de cores imposibles, sombreiros de bruxa…, cada neno elexía como disfrazarse e… A BAILAR!!!

 Decoramos cabazas.

 Seleccionamos. coa axuda do profe de música, algunha peza que nos dera medo en contraste con outras que nos transmitían alegría. Escoitamos, falamos…

 Nun gran trozo de papel continuo no que xa estaban debuxados algún elementos asociados o medo e o Samaín cada neno foi debuxando o que quixo mentres soaba a nosa música de medo. Unha vez decorado todo o papel dispuñían de xiz de diferentes cores coas que pintaron por riba os seus debuxos e unha vez que a música deixou de ser de medo, estendemos coas mans a tiza por todo o espazo “borrando” todos os medos.

 Coa música de fondo e en pequenos grupos cada neno debuxou usando as cores que lle inspiraba a música.

 Merenda de Medo: elaboramos dedos con pan de molde queixo de untar e mermelada. Terribles pero… ricos

 Ambientouse unha aula coas cabazas decoradas polos nenos nas distintas aulas e só coa luz das velas contamos un conto de medo.

 Escribíronse en papel os medos de cada un para gardalos na Caixa dos Medos do colexio para poder queimalos o día do Magosto.

O SAMAIN DE INFANTIL on PhotoPeach

No hay comentarios: