O alumnado de sexto de primaria
preparou este libro tan fermoso para facer de contacontos para os nenos e nenas
de infantil do noso centro. Trátase dun polbo que non lle gustaba como
era, que soñaba con traballar no circo do mar e que tiña envexa do fermosos que
eran os outros peixes. Gustaríalle ser de variadas cores, enviar un
chorro de auga tan grande como as baleas, cun nariz coma o peixe
espada,… sen embargo el tiña tantos brazos que o único que lle facían era
desenvolverse con moitas dificultades … ata que nunha ocasión aparece un gran
tabeirón e no canto de escapar, sóltalle a súa tinta, e faino desaparecer … Descobre así que pode facer maxia, será o gran mago Polbini!, xa está contento
de poder seguir sendo un polbo.
O alumnado fixo tódolos peixiños que aparecen no conto, coloreounos,
recortounos e plastificounos, finalmente púxolle uns cartóns para manexalos
como monicreques e mentres unha alumna ía narrando o conto, os demais
compañeir@s manexaron os seus peixiños por encima do mar azul para ledicia do
alumnado de infantil. Ao final repartiron a súa obra entre o alumnado e
quitáronse unha foto con eles para a posteridade. Foi un traballo moi
interesante, pois ademais da plástica fixeron teatro, lectura coa entoación
adecuada e algún ensaio que para eles sempre é mellor que clases dalgunha
outra materia.
No hay comentarios:
Publicar un comentario