29 may. 2015

ANIVERSARIO DE PUCA!

Chegadas estas datas, finais de maio e última tarde de clase pola tarde, celebramos o cumple de Puca. Este curso cumpliu 8 anos que está EN BIBLIOCERVO, mantendo a ilusión e a maxia das nenas e nenos que tantísimo a queren, animándoos a que  lean moito e a visiten na biblioteca.
A festa de Puca serve para poñer punto final ás actividades da biblio por este curso (aínda temos algunha pendente...) e para entregar os diplomas aos devoradores e devoradoras de libros, que son os que máis  leron de cada clase.
Este ano os agasallos foron especiais e moi relacionados cos proxectos que se traballan na biblio. A ANPA regaloulle  un traxe de rockera polo tema da música e outro de directora de cine para que o vindeiro curso  nos dirixa ben.
O cole, pola súa parte, agasallouna  coa actuación dun grupo de corda da Escola de Música de Burela que interpretou algunhas pezas súas e logo un arranxo musical que fixo  o seu director, Xan Carballal, da canción de Puca. Ao final cantámola xuntos e rematamos a tarde comendo  tarta de chocolate.

FELICIDADES,PUCA, DESEXÁMOSCHE QUE SIGAS ANIMÁNDONOS  COMA ATA AGORA!!
8º aniversario de Puca on PhotoPeach

No hay comentarios: