PDI “COÑECEMOS A MARIÑA LUCENSE E O S TRABALLOS DA NOSA XENTE

 Benquerid@s, amigas e amigos, xa estou de novo con vós! Aquí me tedes vestida de PESCADORA e así aparecín no cole no mes de setembro. Preparada para enfrentarme a duras xornadas de traballo! 

Nesta ocasión quero ensinarvos unha pequena mostra dos traballos que os nenos e nenas do Colexio de Cervo foron facendo ao longo deste curso. 

Todos eles están enmarcados dentro da temática de XEOGRAFÍAS LECTORAS, común a todas a bibliotecas de Galícia e máis concretamente dentro do noso Proxecto Documental “COÑECEMOS A MARIÑA LUCENSE E OS TRABALLOS DA NOSA XENTE”. 

Antes de pasar a compartilos con toda a Comunidade Educativa e con todos os centros da Microrrede da Mariña quero dar as GRAZAS a todos e cada un dos participantes no proxecto, sodes fantásticos e atópome moi orgullosa de vós! Sei que traballastes a reo e que aprendistes moitas cousas novas sobre a NOSA COMARCA. 

Unha das nosas primeiras producións foi o CALENDARIO COLABORATIVO ( Descarga) logo dun proceso de investigación e documentación sobre os OFICIOS TRADICIONAIS GALEGOS. Esta documentación queda recollida no seguinte padlet colaborativo: 

: 

Tamén, entre tod@s, dende os máis peques aos máis grandes fixestes un monográfico sobre os diferentes CONCELLOS que integran a Mariña Lucense e profundastes en aspectos como: a súa localización, análise do crecemento da poboación, monumentos ou lugares de interese turístico e cultural,  sectores laborales predominantes, gastronomía ... e outros moitos aspectos. Foi un traballo laborioso ao longo de todo o 2º trimestre, pero pagou a pena! Noraboa compañeir@s! 

Máis adiante, polo DÍA DE EUROPA, levastes a cabo unha nova tarefa de documentación ben interesante! Nesta ocasión Puca quería saber sobre a EMIGRACIÓN: PASADO E PRESENTE DA NOSA COMARCA. Así aprendistes que é a emigración, os motivos polos que os nosos veciños e veciñas e incluso familiares tiveron que marchar a outros lugares e tamén... o interesante que resulta falar cos nosos maiores! Non hai fonte de información mellor que esa ! Nesta ocasión podedes ver os seguintes audiovisuais que recollen toda a información, pero tamén queda un LIBRO COLABORATIVO en formato máis tradicional en Bibliocervo, para engrosar a sección de PUCA EDICIÓNS. 

A cousa non quedou aí... xa sabíamos que era a emigración, pero... na área de Língua Inglesa xurdeunos unha nova dúbida... hai inmigrantes na Mariña? E si é así ... como é a súa experiencia? A continuación tedes un audiovisual que nos achega varias historias persoais de MARIÑÁNS de corazón. 

Tamén queremos animarvos a mergullarvos na XEOGRAFÍA MARIÑÁ e visitar o noso CONCELLO! Temos unhas rutas de sendeirismo polo RÍO XUNCO ben interesantes! Desto sabe moito o noso alumnado e quixo compartilo con vós a través duns estupendos BOLETÍNS INFORMATIVOS: 

E si precisades saber a temperatura da auga, analizar o PH, medir a profundidade ... podedes pasar polo colexio, que temos o instrumental preciso para facelo! 

Xa para rematar queriamos contarvos que nos próximos días estará dispoñible o programa de radio: A MARIÑA LUCENSE, COMO MOLA A NOSA XENTE! Emitido de dende ... ONDA PUCA RADIO! 

Nel o noso alumnado fai un percorrido por diferentes mariñ(á)n que destacan por algún aspecto e nos tocan o corazón! Polo momento deixámosvos algunhas fotos do proceso: